Плочките се веќе присутни и на места каде што не ги очекувате

Кога ќе помислите на плочки прво што веројатно ќе ви падне на памет е подот во бањата или ѕидовите во кујната. И тоа е сосема разбирливо, бидејќи со години овие простории беа „резервирани“ за керамиката. Меѓутоа, денес плочките доживуваат своја ренесанса. Благодарение на новите технологии, разновидните дизајни и неограничените можности за примена, плочките сè почесто ги напуштаат „класичните“ простории и освојуваат места каде што никој до сега не ги очекувал. Ако сметате дека знаете сè за плочките, подгответе се за изненадување!

Плочките како дел од мебелот, зошто да не?

Плочките веќе одамна не се резервирани само за подови и ѕидови. Благодарение на нивната издржливост и визуелна привлечност, тие стануваат интегрален дел од мебелот. Од маси и комоди до декоративни елементи, керамиката внесува стил и трајност во секој агол од домот.

Масата која може да издржи сè

Заборавете на осетливите површини. Плочките се идеално решение за обложување на работните и трпезариски маси. На англискиот пазар брендовите како Fireclay Tile и Mercury Mosaics нудат дури и рачно изработени плочки кои сè почесто се користат за изработка на плочи за маси, барови и кујнски работни површини. Покрај тоа што се естетски ефектни, керамичките и порцеланските плочки се отпорни на влага, топлина, дамки и механички оштетувања. Ако сакате рустичен изглед, теракота или плочките со дизајн на цемент се совршен избор, а ако сакате да добиете минималистички ентериер, идеални се големи, мат плочки со неутрални тонови кои совршено ќе се вклопат со метални или дрвени конструкции.

Комоди кои раскажуваат приказни

Замислете комода со преден дел обложен со плочки кои рачно се насликани со мотиви од мексиканската, португалската или ориенталната традиција. Такви парчиња мебел повеќе не се само функционални, туку тие се и наративни елементи во просторот. На пример, во Калифорнија сè повеќе се користат т.н. „encaustic tiles“ за обложување на фиоки и врати на комоди со што се создава тродимензионален ефект со длабочина и текстура. Многу дизајнери на ентериери комбинираат винтиџ мебел со модерни плочки за да создадат контраст и уникатност.

Плочки употребени како материјал за врата: се работи за промена која веќе го освојува ентериерот. Плочки на вратата? Да, апсолутно! Оваа идеја, иако на прв поглед е необична станува сѐ попопуларна меѓу дизајнерите на ентериери кои сакаат да го истакнат „преминот“ како естетски елемент, а не само како функционален дел од просторот. Во Шпанија на пример, традиционалните azulejos плочки повеќе векови ги украсуваат вратите и влезовите, а денес овој стил се интерпретира преку модерни, геометриски дезени кои се комбинираат со метални оквири и стакло. Плочките на вратата можат да бидат и симболичен гест: влез во простор со посебна приказна, карактер и култура.

Фасади изработени од плочки кои го привлекуваат секој поглед

Керамичките фасади не се само тренд — тие се еволуција во архитектонскиот израз. Благодарение на современите материјали и иновативниот дизајн, плочките стануваат главен визуелен акцент на надворешниот изглед на зградите, со што архитектурата добива нова димензија.

Вентилирани фасади од керамика: спој на естетика и технологија

Во современата архитектура сè почесто се користат вентилирани фасади обложени со керамички или порцелански плочки. Покрај тоа што изгледаат футуристички, ваквите фасади имаат висок степен на енергетска ефикасност бидејќи дозволуваат „дишење“ на зградата, ја подобруваат топлинската и звучната изолација со минимално одржување. Примери на вакви решенија може да се видат низ цела Европа, посебно во Италија и Германија каде што компаниите како што се Florim, Porcelanosa и Casalgrande Padana се лидери во развојот на интелигентни керамички облоги кои реагираат дури и на загадување на воздухот и самите се „чистат“.

Тродимензионални фасадни плочки: ѕидови со карактер

Ѕидот не мора да биде рамен за да биде убав, напротив! Плочките со 3D текстура, како оние кои ги нуди Mutina или WOW Design ги претвораат фасадите во скулптурни површини кои го менуваат изгледот во зависност од аголот под кој паѓа светлината. Оваа техника посебно е популарна во топлите региони каде што зградите „ловат сенки“ и создаваат визуелен спектакл. Еден од најспектакуларните примери за употреба на 3D керамички плочки е хотелот Barceló Raval во Барселона чии ѕидови „пулсираат“ во ритам со светлината преку денот.

Плочките како уметнички израз: креативност без граници

Уште од античкиот Рим мозаиците се користат како средство за уметничко изразување. Денес, дизајнери како Sonia King или Gary Drostle создаваат монументални ѕидни инсталации од мозаик и во приватни и во јавни простори. Уметничките мурали од плочки сè почесто може да се видат во ресторани, галерии, па дури и во метрото станиците како што се оние во Њујорк и Лондон. Мозаиците од стаклени, керамички и метални плочки даваат можност да се изразат бои, текстури и наративи на траен, водоотпорен и долготраен начин.

Рамки од плочки: нов живот за огледалата и сликите

Замислете огледало во бања чиј рам е направен од плочки во бојата на сафир, тиркиз или античко злато или пак рам за слика со плочки во patchwork стил кој изгледа како ткаенина. Рамките направени од плочки создаваат динамика во статичните елементи на просторот. Во ентериерите инспирирани од бохо, ориентални или медитерански стилови вакви детали се вистински „statement piece“. На Pinterest побарувачката за DIY проекти од овој тип бележи огромен раст и тоа со причина.

Размислувај слободно (не само за подот или ѕидот)!

Ако досега плочките ги гледавте само како функционални површини за бањите и кујните, време е за промена на перспективата. Плочките можат да бидат дел од вашата маса, огледало, врата, па дури и од уметничката скулптура. Нивниот потенцијал е огромен, а изборот на материјали, форми и бои е речиси бесконечен. Како што рече познатиот дизајнер на ентериери Jonathan Adler: „Плочките се накитот на домот“, зошто тогаш да не ги користиме плочките и надвор од очекуваните граници?
А ако сакате да ги истражите новите можности и да најдете совршени плочки за вашиот дом, градина, комода или уметнички проект, знаете каде да ги побарате. Кај нас во Енмон имаме сè што ви е потребно за да ги претворите вашите идеи во реалност.

Референци и инспирација:

• Fireclay Tile
• Mercury Mosaics
• Sonia King Mosaic Art
• Mutina Tiles
• Dwell – Unexpected Tile Uses
• House Beautiful – Tile Trends
• Ceramiche Coem – Design Projects
• ArchDaily – Tile Facades
• Dezeen – Ceramic Innovations

Доколку имате било какви прашања, контактирајте нѐ на: webshop.mk@enmongroup.com или повикајте нѐ на: +389 76 22 44 77.